ايران د عربستان او پاکستان له نوي دفاعي تړون څخه ولې ملاتړ وکړ؟

ایکنا- سعودي عربستان او پاکستان نوی دفاعي تړون پر واشنګټن  د رياض امنيتي تکیه  کمولی شي او ايران ته د مانور یا حرکت لپاره پراخه فضا برابرولی شي.

ایکنانیوز د پارس ټوډی فارسی برخې له قوله راپور راکړی، د  امواج میډیا  تحليلي ویب پاڼې د ايران له لورې د سعودي عربستان او پاکستان د نوي دفاعي تړون ملاتړ، د امريکا له امنيتي تړاو څخه د سيمې د هېوادونو د خلاصون او د سيمه‌ييزو ملګرتیاؤ  د پياوړتيا په لور يو ګام بللی دی.

دغې تحليلي وېبپاڼې په خپل راپور کې د کارپوهانو د نظرونو په استناد سره ليکلي دي:د سعودي عربستان او پاکستان نوی دفاعي تړون پر واشنګټن  د رياض امنيتي تکیه  کمولی شي او ايران ته د مانور یا حرکت لپاره پراخه فضا برابرولی شي. دغه تحليل  له دې موافقې څخه د تهران هرکلی،د داسې سټراټېژیک فرصت په توګه ارزوي چې هدف ئې له امريکا څخه  یو خپلواکه سيمه‌ييز امنيتي نظام جوړول دي.

د "امواج میډیا" د تحليلي راپور له مخې، د ايران له خوا  د سعودي عربستان او پاکستان د نوي دفاعي تړون ملاتړ، د تهران د "هراړخیز سيمه‌ييز امنيتي نظام" د جوړولو له ستر لیدلوري سره په مستقيمه توګه تړاو لري.

د سيمې په کچه بدلېدونکي امنيتي محاسبات

د  امواج میډیا په وينا،د ايران او سعودي عربستان د اړيکو تودېدل چې په ۲۰۲۳ کال کې د چين په مینځګړيتوب سره  رامنځته شوي، د سيمې د امنيتي معادلو د بدلون لپاره لاره هواره کړې ده. همدارنګه پر قطر د اسراییلي رژیم بې‌سارې بريدونه او د دغه رژیم د تېريو زیاتوالی، عربان له دې واقعيت سره مخامخ کړي چې ښائي دوی خپله هم په نښه شي.

له امريکا څخه سوکه سوکه لیریکیدل

د دغه تحليل په مرکز کې دا استدلال دی چې د پاکستان–سعودي عربستان دفاعي تړون به د "سعودي عربستان د ژورې امنيتي تکیې د کمېدو" لامل شي. ټریټا پارسي، چې په واشنګټن کې د کوینسي مؤسسې مرستيال مشر دی، وايي:

"يو خپلواک سعودي عربستان او د فارس خلیج يوه خپلواکه  شورا هغه څه دي چې ايران ورسره ډېر په آسانۍ تعامل کولای شي.

https://parstoday.ir/fa/world-i29420